Այդ մասին հայտարարել է Եվրախորհրդի ղեկավար Դոնալդ Տուսկը՝ գագաթնաժողովի երկրորդ աշխատանքային նիստի սկսվելուց մի քանի րոպե հետո, որը նվիրված էր այդ թեմային: «Brexit-ի վերաբերյալ ամփոփիչ հայտարարությունն ընդունված է»,-հայտնել է Տուսկն իր Twitter-ում: «Փաստաթուղթը բովանդակում է Մեծ Բրիտանիային ուղղված կոչ՝ արագացնելու մնացած հիմնախնդիրների, մասնավորապես, Իռլանդիային վերաբերող խնդրի լուծման առաջարկությունների առաջադրումը»,-ՏԱՍՍ-ին պարզաբանել է եվրոպական մի աղբյուր:
Փաստաթղթի տեքստը հրապարակվելու է առաջիկա ժամերին: Այս հայտարարության արագ ընդունումը, հատկապես հունիսի 28-ին միգրացիայի շուրջ ավելի քան 12 ժամ տեւած քննարկումների ֆոնին, առանձնակի զարմանք չի առաջացրել գագաթնաժողովի մամուլի կենտրոնում: Brexit-ի վերաբերյալ հայտարարությունն ընդունել են ԵՄ-ի 27 պետություններ՝ առանց Մեծ Բրիտանիայի, այսինքն՝ միայն մեկ կողմից բանակցությունների մասնակիցները, որոնց միջեւ այդ հարցի շուրջ ոչ մի տարաձայնություն չկա: Փաստաթուղթը համաձայնեցված էր դեռ մինչեւ գագաթնաժողովը:
