Կենտրոն և Նորք-Մարաշ վարչական շրջանների ընդհանուր իրավասության դատարանում դատավոր Գագիկ Պողոսյանի նախագահությամբ մեկնարկել է «էպոսագետ» Վարդան Սեդրակյանի և մյուս երկու ամբաստանյալների՝ Պարույր Հայրիկյանի դեմ մահափորձի գործով դատավարությունը:
Ամբաստանյալները դահլիճ բերվեցին ձեռնաշղթաներով։ Նշենք, որ Վարդան Սեդրակյանը բավական բարձր տրամադրություն ուներ։
Կողմերը համաձայնել են, որ դատական նիստն ընթանա առանց Պարույր Հայրիկյանի։ Նոր մեկնարկած նիստը, սակայն, հետաձգվել է ամբաստանյալ Խաչատուր Պողոսյանի` պաշտպան չունենալու պատճառաբանությամբ։ Ամբաստանյալը տեղեկացրել է, որ ինքը փաստաբան վարձելու գումար չունի։ Որոշվել է, որ նրան անվճար հիմունքներով կպաշտպանի Հանրային պաշտպանի գրասենյակի փաստաբաններից մեկը:
Դատական հաջորդ նիստը տեղի կունենա մայիսի 20-ին:
