Panorama.am-ը գրում է.
«Սահմանադրական դատարանի անդամ նշանակելու շատ կարևոր հարցը շատ պասիվ ենք քննարկում»,- ՍԴ դատավորի ընտրության հարցի քննարկման ժամանակ իր ելույթում նշեց «Ելք» խմբակցության պատգամավոր Էդմոն Մարուքյանը:
Պատգամավորը նշեց, որ որևէ առարկություն չունի Ելիզավետա Դանիելյանի մասնագիտական որակների, գիտական գորունեության հետ կապված, բայց իր պատկերացումներն այլ են. «Կարծում եմ՝ խորհրդարան պետք է ներկայացվեն դատավորի այնպիսի թեկնածուներ, ովքեր աչքի են ընկել, ովքեր եղել են դուրս կանգնած մյուս բոլորից, և այդ հանգամանքն էլ թեկնածուին պետք է բերեր այստեղ»։
Մարուքյանի խոսքով՝ պատգամավորներն իրենք հարցերով փնտրտուքի մեջ են։
«Ուզում են գտնել այն տարբերությունը, որ Դուք պետք է ունենաք մյուսների նկատմամբ, չգիտեմ՝ ով գտավ, ով ոչ, բայց ինձ համար կարևոր է, որ եղած դատական պրակտիկայում Դուք աչքի ընկած լինեիք այս առումով, որ ասեինք՝ գիտենք այս դատավորին, սկզբունքայնությամբ աչքի է ընկել, և այս հարցերն այստեղ չէին լինի»,- ասաց նա։
Ամբողջական հոդվածը կարող եք կարդալ այստեղ