ԱՄՆ, Ֆրանսիայի և Մեքսիկայի գիտնականների խումբը հաղորդել է, որ մարսյան կավահողում օրգանական մոլեկուլներ և թռչող միացություններ են հայտնաբերել։ Աշխատանքի արդյունքները հրապարակվել են Science ամսագրում։ Նման նյութերը լիովին կարող էին գոյանալ այլմոլորակային օրգանիզմների կենսագործունեության արդյունքում։ Գիտնականները վերլուծել են հողի նմուշները Curiosity մարսագնացից Mars Science Laboratory առաքելության շրջանակներում՝ Գեյլի խառնարանի երկու մասերում։
Նմուշները տաքացրել են մինչև 500-850 աստիճան ըստ Ցելսիուսի՝ ուսումնասիրելով մոլեկուլները։ Այս մոլեկուլները կարող էին լինել առավել խոշոր միացությունների բեկորներ։ Նրանց հնարավոր աղբյուրները կարող էին լինել ինչպես կենդանի էակները, այնպես էլ մետեորիտներն ու երկրաբանական գործընթացները, այդ թվում հրաբխայնացումն ու հիդրոջերմային ակտիվությունը։ Հստակ ծագումը դժվար է որոշել, քանի որ նրանց կենսաբանական բնույթի ակնհայտ նշանները կարող են ոչնչացված լինել ճառագայթման կամ դիագենեզի արդյունքում։