Մինչ աստղային երեխաների մի մասը գրոհում են շոու–բիզնեսի աշխարհն իրենց ծնողների հայտնիության հաշվին և հաճույքով կիսվում են ընտանեկան գաղտնիքներով լրագրողների հետ, մյուսները խուսափում են լրագրողների հետ շփումներից և իրենց ապագան էլ չեն ձգտում կապել ժամանցային արդյունաբերության հետ։
Այդպիսի երեխաների թվին է պատկանում նաև Էմինեմի 22-ամյա դուստրը՝ Հեյլի Սքոթը։ Բայց նա էլ, ամեն դեպքում, օրերս հարցազրույց է տվել, որտեղ պատմել է հոր հետ իր հարաբերությունների մասին և՝ ոչ միայն։
Daily Mail պարբերականի թղթակցի հետ զրույցում՝ Միչիգանի համալսարանի ուսանողը հրապարակայնորեն պատմել է այն մասին, թե ինչպես է հայտնի երաժշտի դուստր լինելը և կիսվել է ապագայի իր ծրագրերով։
«Մենք շատ մտերիմ ենք»,– խոստովանել է աղջիկը։
Կասկածելու առիթ չի էլ եղել. Էմինեմը Հեյլիի մորից՝ Քիմբերլի Սքոթից վերջնական բաժանվելուց հետո էլ ակտիվ մասնակցություն է ունեցել դստեր կյանքին։
«Իմ մայրն ու հայրն ամեն ինչ արել են, որ ես դառնամ այն մարդը, որը կամ։ Նրանք ինձ ամեն ինչում աջակցում են»,– ասել է Հեյլին։
Իր կարիերայի ընթացքում ռեփերը մի քանի երգ է նվիրել Հեյլիին։ Դրանցից մեկում նա պատմում է դստեր մանկության մասին և իր մեղքի, որ նա հայտնվել է մամուլի և հասարակության ուշադրության կենտրոնում։
Բացի այդ, Էմինեմի ուսին կարելի է դստեր նկարով դաջվածք տեսնել և նրա անունը խոշոր տառերով՝ մյուս ձեռքի վրա։
Հարցազրույցում Հեյլին նաև պատմել է, որ դեռևս չգիտի, թե ինչով է զբաղվելու համալսարանից հետո։ Սակայն արտիստ նա հաստատ չի ուզում լինեն։