Տոնդ շնորհավոր, իմ երկիր։ Դու լինելու ես միշտ ծաղկուն, ազատ և անկախ։
Պատմական ակնարկ․ 1918-ի այս օրը վերականգնվեց շուրջ 9 դար առաջ կորսված հայոց պետականությունը։ Մայիսին Ղարաքիլիսայում, Բաշ-Ապարանում, Սարդարապատում հայկական կանոնավոր ուժերին և կամավորականներին հաջողվեց կենաց-մահու ճակատամարտերում հաղթանակ տանել թուրք հրոսակների դեմ պայքարում, և կասեցվեց նրանց առաջխաղացումը: Մայիսյան հաղթանակով վերականգնվեց հայ ժողովրդի անկախությունը:
Մայիսի 26-ին լուծարվել էր Անդրկովկասյան Սեյմը, և մայիսի 28-ին Հայոց ազգային խորհուրդը Թիֆլիսում հռչակեց Հայաստանի անկախությունը։
1918 թվականի մայիսի 26-ի կեսօրին գումարված Անդրկովկասյան Սեյմի վերջին նիստը որոշել էր կազմալուծել Անդրկովկասի դաշնությունը և վայր դնել լիազորությունները։ Նույն օրը՝ ժամը 17.00-ին, Վրաց ազգային խորհուրդը՝ Նոյ Ժորդանիայի նախագահությամբ, Վրաստանը հռչակել էր անկախ պետություն։ Մայիսի 27-ին էլ Մուսուլմանների ազգային խորհուրդը հայտարարել է «Արևելակովկասյան Մուսուլմանական Հանրապետության» անկախության մասին, որը հենց այդ ժամանակ թուրքերն առաջին անգամ անվանել են «Ադրբեջան»։
Նյութի աղբյուր՝ https://www.facebook.com/photo.php?fbid=10209245193045311&set=a.1696521791320.68239.1786123174&type=3&theater
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
