Ամերիկացի գիտնականները գիտափորձերի արդյունքում պարզել են, որ սև շոկոլադը բարենպաստ ազդեցություն է գործում տեսողության վրա։
ԱՀԿ վիճակագրության համաձայն՝ աշխարհում կարճատեսությամբ ավելի քան 1,5 միլիոն մարդ է տառապում։ Աչքի հիվանդությունների խնդիրը մեր օրերում շատ հրատապ է։ Բժիշկները վատացող տեսողության պատճառը կյանքի իրողությունների փոփոխություններն են համարում։ Երիտասարդները շատ ժամանակ են անցկացնում էկրանների դիմաց։ Բացի այդ տեսողության վրա բացասաբար են անդրադառնում ժառանգական գործոնները։
Գիտնականները հետազոտություն են անցկացրել, որի շրջանակներում փորձի մասնակիցներին շոկոլադի տարբեր տեսակներ են բաժանել։ Այնուհետև մարդիկ տեսողության ստուգում են անցել։ Ամենից լավ ստուգումն անցել են նրանք, ովքեր սև շոկոլադ են կերած եղել։ Մասնագետները դեռևս չեն պարզել, թե շնորհիվ այս մթերքի որ բաղադրիչների է լավանում տեսողությունը և որ ժամանակահատվածում։ Փորձագետները պատրաստվում են լրացուցիչ հետազոտություններ անցկացնել՝ բոլոր հարցերի պատասխանները ստանալու համար։