ԱՄՆ Կանզաս նահանգի համալսարանի անցկացրած հետազոտության համաձայն՝ պատահական զրուցակիցները կարող են լավ ընկերներ դառնալ ընդամենը 50 ժամ միմյանց հետ շփվելուց հետո: Ավելի մոտ հարաբերություններ ստեղծելու համար համապատասխանաբար ավելի շատ ժամանակ է անհրաժեշտ. սերտ բարեկամական հարաբերությունների հասնելու համար անհրաժեշտ է ևս 40 ժամ շփում: Ընդհանուր առմամբ 90 ժամը միանգամայն բավարար է, որպեսզի մարդը կարողանա խնդրել իր նոր ընկերոջը, օրինակ, իր բացակայության ժամանակ ջրել իր բնակարանի ծաղիկները: Իսկ 200 ժամ շփվելուց հետո մարդիկ կարող են դառնալ կես խոսքից միմյանց հասկացող լավ բարեկամներ:
Հետազոտության հեղինակ Ջեֆրի Հոլի կարծիքով՝ մանուկ հասակում ավելի հեշտ է հարաբերություններ ստեղծելը. երեխաները պարզապես ստիպված են միմյանց հետ շփվել, քանի որ հաճախում են միևնույն հաստատությունները: Մեծանալով մարդիկ կենտրոնանում են իրենց կարիերայի վրա, իսկ աշխատանքային շաբաթից հետո պարզապես ուզում են հանգստանալ, և ոչ մի ցանկություն չկա նոր ծանոթություններ հաստատելու: