Հպումները լինում են տարբեր։ Դրանք կարող են լինել պատահական, կարող են լինել միտումնավոր, բայց գաղտնի։ Հպումները նաև տարբեր են լինում ըստ հարաբերությունների, որ առկա է երկու մարդու միջև։ Սիրահարներն, օրինակ, այլ ձև են հպվում իրար։
Թե որոնք են սիրահարների միջև ամենաինտիմ ու գրգռող հպումները, պատմում են հոգեբաններն ու մարմնի լեզվի մասնագետները։
Պարանոցին
Այս մասին հպվելը կարող է ստիպել փշաքաղվել։ Կանայք պարանոցը համարում են ինտիմ գոտիներից, և դա այն պարագայում, որ պարանոցը ոչնչով էլ չեն փակում։
Ականջի բլթակին
Ականջի բլթակին հպումը որոշ մարդկանց մոտ խուտուտ է առաջացնում, բայց կան նաև այնպիսի մարդիկ, ում դա իսկապես գրգռում է։
Կոճերին
Կանայք նշում են, որ ամենահաճելի զգացումներից է, երբ տղամարդը ձեռքը սահեցնում է կոճի վրայով։ Այդ ժեստը տղամարդիկ նույնպես համարում են ամենաինտիմներից։
Համբույր ճակատին
Թեթև ու համեստ համբույրը ճակատին իրականում ավելի ինտիմ երևույթ է, քան կարելի է պատկերացնել։ Հոգեբանները պնդում են, որ ավելի հաճախ համբուրում են նրանց ճակատը, ում հարազատ են համարում։
Հպում դեմքին
Դեմքին հպվելը (ու գլխին ամբողջությամբ) հոգեբանները համարում են ինտիմ։ Բանն այն է, որ որքան մոտիկ է մարդ մեր զգայարաններին, այնքան մեծ է հավանականությունը փոխադարձ զգացմունքի։
Անրակներին՝ ուսագոտու զույգ ոսկորներին հպվելը
Անրակները նույնպես ինտիմի նշան են։ Կանայք թույլ են տալիս հպվել այդ կետին միայն այն տղամարդուն, որի հետ ինտիմ մտերմություն ունեն։
Հպում ափի հակառակ կողմին
Հնուց եկած ամենագեղեցիկ ժեստերից է կնոջ ձեռքը համբուրելը։ Սակայն երբ դա անում է սիրելի տղամարդը, այն ստանում է բոլորովին այլ նշանակություն։
