Ի վերջո ե՞րբ պետք է ՀՀ տրանսպորտի, կապի և տեղեկատվական տեխնոլոգիաների նախարարը հասկանա, որ ինքն աջ ղեկով մեքենաների և «Ռոստելեկոմի» նախարարը չէ, որ իրեն շատ պատասխանատու, բարդ, դժվար և կարևոր պաշտոն է վստահվել, որ ինքն ավելի լուրջ և առաջնահերթ խնդիրներ ունի, քան աջ ղեկով մեքենաները, որ ժամանակն է, որպեսզի ինքն աջ ղեկից տեղափոխվի ձախ և հիշի, որ իր ղեկավարած բնագավառի զարգացումից ողջ երկրի տնտեսությունը, զբոսաշրջությունը, հաղորդակցությունը և զարգացումն է կախված առհասարակ:
Հասկացանք, արգելեք աջ ղեկով մեքենաների ներմուծումը և դրանով ավարտեք Ձեզ շատ հուզող ու տվայտանքի մեջ գցող այդ խնդիրը, և պետք չէ լրացնել իշխանություններից դժգոհների առանց այդ էլ ստվար զանգվածը: Իսկ աջ ու ձախ ղեկը կապ չունի… Դա նույնն է, որ նախարարը «աջլիկ կամ ձախլիկ» լինի, մինչդեռ կարևորն այն է, որ լավ վարորդ կամ խելացի նախարար լինի… 
Ի վերջո բարձրագույն ղեկավարությունից որևէ մեկը պետք է բացատրի իր պաշտոնից զարմացած նախարարին և հիշեցնի, թե որն է իր հիմնական պարտականությունները:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել