Աշխարհում կա՞ այնպիսի մեկը, ով չի ուզում երջանիկ լինել։ Կյանքում գալիս է մի պահ, որ այնքան ենք տրվում տառապանքներին ու վշտին, որ երկար ժամանակ է պահանջվում՝ հասնելու խաղաղ ու երջանիկ վիճակի։ Արդյունքում կան բազմաթիվ հոգեբանական տեխնիկաներ կամ խորհուրդներ, որ կարող են օգնել երջանիկ զգալ ու սովորել վայելել յուրաքանչյուր նոր օրը։
Ահա մի քանի խորհուրդ նյարդաբաններից՝ մարդկանցից, ովքեր կենտրոնանում են ուղեղի ու այն բանի վրա, թե ինչպես է այն ազդում իմացական ֆունկցիաների և պահվածքի վրա, ովքեր գիտեն՝ երբ ու ինչպես կարող է ուղեղը տալ կատարյալ գոհ ու երջանիկ վիճակ։
- Շնորհակալ եղիր
Երբ մենք շնորհակալ ենք լինում որևէ մեկին կամ նույնիսկ կյանքին ինչ-որ բանի համար, մենք կենտրոնանում ենք կյանքի դրական ասպեկտների վրա։ Փաստ է, որ հաճելի հիշողությունները բարձրացնում են սերոտոնինի՝ երջանկության հորմոնի, արտադրանքը։ Այս տեխնիկան հաճախ օգտագործում են դեպրեսիան բուժելիս։
- Միաժամանակ մի քանի խնդիր մի լուծիր
Ուղեղը երբեք չի դադարում լուծումներ փնտրել բոլոր խնդիրների համար, որոնք անհանգստացնում են մեզ։ Սա շատ էներգիա է խլում, ուղեղը հոգնում է, ու եթե խնդիրը մնում է չլուծված, մենք սկսում ենք անհանգիստ ու դյուրագրգիռ դառնալ։ Մյուս կողմից՝ ամեն անգամ, երբ մենք հաջող որոշում ենք կայացնում, մեր ուղեղն ինքն իրեն պարգևատրում է՝ միջնորդանյութերի չափաբաժնով, որը հանգստացնում է լիմբիական համակարգն ու օգնում աշխարհն ավելի պայծառ լույսի տակ տեսնել։ Հետևաբար, խորհուրդ է տրվում փորձել խնդիրները լուծել առանձին-առանձին։
- Խոսիր նրա մասին, ինչ անհանգստացնում է քեզ՝ ամեն ինչ ներսում կուտակելու փոխարեն
Որևէ տհաճ բանի միջով անցնելն՝ առանց ինչ-որ բան ասելու կամ խոսելու ձեր խնդիրների մասին, վնաս է հասցնում ուղեղի տարբեր մասերին։ Երբ կարողանում եք արտահայտել ձեր զգացածն այն բանի մասին, ինչն անհնագստացնում է ձեզ, բացասական էմոցիաները ավելի քիչ ազդեցություն են ունենում ձեր ինքնազգացողության վրա։ Այնպես որ, երբ խոսում եք ձեր խնդիրների մասին, սերոտոնինի քանակությունն ավելանում է, ու ուղեղը կարողանում է իրավիճակի մեջ դրական ասպեկտներ գտնել։
- Դիպչել և գրկել
Սոցիալական փոխազդեցությունը ֆիզիկական առողջության ու ինքնազգացողության վրա ազդող ամենակարևոր գործոններից է։ Նեյրոլոգները պարզել են, որ ֆիզիկական աջակցության բազում ձևեր, հատկապես հպումներն ու գրկախառնությունները, արագացնում են մարդու վերականգնումը հիվանդությունից հետո։ Հպումների տեսքով փոխազդեցությունը կյանքից հեռացնելու դեպքում ուղեղը դրա բացակայությանն արձագանքում է այնպես, ինչպես ֆիզիկական ցավին. երկու դեպքում էլ ուղեղի նույն մասերն են սկսում ակտիվանալ։ Սա, պարզվում է, բերում է այնպիսի գործընթացների ակտիվացման, որ ազդում են տրամադրության վրա ու նպաստում դեպրեսիայի զարգացմանը։
- Մշտապես նոր բաներ սովորիր
Նոր գիտելիքների ծանոթանալն ուղեղի համար նշանակում է փոփոխվող միջավայրին ադապտացիա։ Այս գործընթացի օգնությամբ մեր ուղեղը զարգանում է, նոր ինֆորմացիան կլանելու իր փորձերի համար իրեն պարգևատրում է դոֆամինով, ինչը երջանկության հորմոն է։ Այնպես որ, եթե ուզում եք երջանիկ լինել, մի վախեցեք որևէ նոր բան փորձելուց, նոր բաներ սովորելուց ու ձեր շրջապատը փոխելուց։
- Զբաղվիր սպորտով
Չնայած ֆիզիկական գործունեությունը մարմնի համար սթրեսային է, երբ այն վերջանում է, մարմինը պարգևատրվում է էնդորֆինների չափաբաժնով։ Նույնիսկ հասարակ զբոսանքը կարող է արդյունավետ լինել։ Այս պատճառով են շատ գրողներ ու դերասաններ զբոսանքները համարում իրենց ստեղծարար գործունեության անբաժան մաս։
- Միշտ լավ հանգստացիր ու լավ քնիր
Երբ քնում ենք մթության մեջ, մեր մարմինն արտադրում է մելատոնին կոչվող հորմոնը, որը պատասխանատու է մարմնում բոլոր գործընթացները դաանդաղեցնելու, դրա վերականգնմանը նպաստելու ու սերոտոնինի մակարդակը բարձրացնելու համար։ Շատ կարևոր է օրական 6-8 ժամ քնել մութ տարածքում։
- Ունեցիր հաճելի ակնկալիքներ
Մեր ուղեղը հաճույք է զգում որևէ հաճելի իրադարձության սպասելիս։
