Araratnews.am-ը գրում է.
Այսօր ապրիլյան քառօրյայի գյումրեցի հերոս Տիգրան Աբգարյանի ծննդյան օրն է:
Տիգրանը տանկիստ էր. հերոսն իր տանկով մխրճվել էր հակառակորդի տանկերի մեջ, խոցել թշնամու երեք տանկ ու ինքն էլ նահատակվել իր տանկի մեջ:
Տիգրանը կենսուրախ էր, կյանքով լի, աշխույժ. այսպես են նրան հիշում հարազատները: Տիգրանը շատ հումորով, շատ ընկերասեր, շատ խելոք եւ շատ պարտաճանաչ էր:
Տիգրանն ընտանիքի անդամների հետ վերջին անգամ խոսել է ապրիլի 3-ին:
Ծառայել է Ֆիզուլիում, այդ օրը պատրաստվել են մարտի՝ Ջեբրայիլում, բայց չի ասել այդ մասին ո´չ եղբորը, ո´չ մորը, ո´չ անգամ ամենամտերիմ ընկերոջը, ում հետ կիսում էր ցանկացած գաղտնիք: Կարծես հրաժեշտ է տվել բոլորին, բայց բնավորության համաձայն` ուրախ ձայնով, կատակելով:
Տիգրան Աբգարյանը բանակ էր զորակոչվել 2014-ին, ծառայության ընթացքում աչքի ընկել Արցախում անցկացված տանկային բիաթլոնի ժամանակ՝ գրավելով երկրորդ տեղը:
