«Առավոտ»-ն իր խմբագրականում գրում է. «Երեկվա ընթացքում կարդացի ամենանվաստացուցիչ մեղադրանքները, ամենաթունդ հայհոյանքները մեր ֆուտբոլիստների, մարզիչների և ֆուտբոլի ֆեդերացիայի նախագահի հասցեին, հաճախ նաև՝ ինչ-որ քաղաքական երանգներով։ Ես չհանդիպեցի որևէ մասնագիտական վերլուծության, թե որոնք են պարտության իրական պատճառները։ Գուցե մասնագետներ, պրոֆեսիոնալներ չկա՞ն, կամ գուցե կան, բայց նրանք այնքան են ընկղմված անձնական հաշիվների մեջ, որ չեն կարող սթափ մտքեր արտահայտել։
Ես չեմ փորձի, ի տարբերություն շատ շատերի, հիմա ինչ-որ սիրողական դատողություններ անել։ Միայն մի բան կարող եմ ասել։ Լինել քո թիմի կողքին, երբ նա հաղթում է, չափազանց հեշտ է՝ դու կարծես քեզ մաս ես զգում այդ հաղթանակների։ Բայց ինչպես մնացած դեպքում՝ սերը, հավատարմությունը չպիտի պայմանական լինի, այսինքն՝ չպիտի պայմանավորվի «եթե»-ներով՝ «Ես քեզ սիրելու եմ, եթե...»։ Սիրելի թիմի կողքին պետք է լինել նաև պարտությունների, անգամ ջախջախիչ պարտությունների պարագայում։
Տղաներին այսօր պետք է հավատալ և քաջալերել, եթե մենք երկրպագում ենք։ Իսկ անհաջողությունների վերլուծությունը թողնենք մասնագետներին»։
Նյութն ամբողջությամբ կարդացեք թերթի այսօրվա համարում:
