Աստղագիտությունը (աստրոլոգիա) ժամանակի ընթացքում հաստատուն քայլերով մտավ մեր կյանք: Սակայն մինչ օրս դեռևս գոյություն ունեն այնպիսի հետաքրքիր փաստեր, որոնք ժամանակակից հասարակությանը գրեթե հայտնի չեն:
1. Պարզվում է, որ աստղագիտությամբ հետաքրքրվող ու զբաղվող մարդկանց մեծամասնությունը կանայք են: Նրանք կազմում են ընդհանուրի 78%-ը: Իսկ աստղագիտությանն ամենաշատը «նվիրված» երկիրը ԱՄՆ-ն է: Նահանգներում անգամ ամենաազդեցիկ քաղաքական գործիչներն ու բիզնեսմեններն են հետևում աստղագիտական կանխագուշակություններին:
2. Ինչպես հայտնի է, կրոնը բացասաբար է վերաբերվում այս երևույթին: Սակայն հայտնի են նաև փաստեր այն մասին, որ Հռոմի պապը դիմել է աստղագետներին, որոնք էլ նրա համար անձնական հորոսկոպ են կազմել:
3. Լուսինը մարդու վրա ազդում է այնպես, ինչպես օվկիանոսի վրա: Մեր օրգանիզմը 75%-ով բաղկացած է ջրից, իսկ դա նշանակում է, որ Լուսնի ազդեցությունը մարդու օրգանիզմի վրա անվիճելի փաստ է:
4. Ի սկզբանե աստղագիտությունը ստեղծվել էր մշակաբույսերի տնկման համար ամենահարմար ժամանակը կանխատեսելու համար: Դա արվում էր լուսնային օրացույցի միջոցով:
5. Վեդիկ աստղագիտությունն օգնում է մարդկանց իրենց քար-թալիսմանն ընտրելու հարցում: Աստղագիտության այս ճյուղի համաձայն՝ ոչ բոլոր քարերը կարող ենք հաջողություն բերել: Ոչ ճիշտ ընտրված թալիսմանն առաջացնում է հիվանդություններ ու անհաջողություն է բերում մարդուն:
6. Երկրորդ համաշխարհային պատերազմի ընթացքում Ադոլֆ Հիտլերը Եվրոպայի լավագույն աստղագետների ծառայություններից էր օգտվում:
7. Գրեթե յուրաքանչյուր պետությունում հաշվվում է մոտավորապես 7000 աստղագետ-մասնագետ:
8. Ինչպես հայտնի է, ըստ չինական օրացույցի՝ նապաստակի տարին անվանվում է նաև կատվի տարի: Տարվա երկրորդ անվանումը եկել է Վիետնամից: Բանն այն է, նապաստակ նշանակող չինական հիերոգլիֆը վիետնամերենում համապատասխանում է նաև կատու նշանակող հիերոգլֆին:
9. Պատմության մեջ ամենահայտնի աստղագետը Միշել Նոստրադամուսն է, ով ապրել է 16-րդ դարում: Նրա կանխատեսումները շարունակում են իրականություն դառնալ մինչ օրս: Բացի այդ՝ նա համարվում է հանրահայտ երազահանի հեղինակը:
10. ԱՄՆ-ի 40-րդ նախագահի՝ Ռոնալդ Ռեյգանի վրա կատարված մահափորձից հետո նրա կինը՝ Նենսի Ռեյգանը, դիմել է նահանգների առաջատար աստղագուշակին՝ իր ամուսնու համար հորոսկոպ կազմելու խնդրանքով: Աստղաբանները Ռեյգանի համար երկար կյանք և մահ՝ ծերությունից են կանխագուշակել: Ռեյգանը մահացավ 93 տարեկան հասակում:
