Aysor.am-ը գրում է.
Լեռնային Ղարաբաղի հակամարտության հանգուցալուծման հիմնարար սկզբունքներից մեկը Արցախի ժողովրդի ինքնորոշման իրավունքի իրացման միջազգային ճանաչումն է, Հայաստան-Սփյուռք 6-րդ համահայկական համաժողովի ժամանակ ասաց ՀՀ ԱԳ նախարար Էդվարդ Նալբանդյանը:
«Ժողովրդի ինքնորոշման իրավունքը ուժի կամ ուժի սպառնալիքի չկիրառման ու տարածքային ամբողջականության հետ միասին աներկբայորեն ամրագրված է որպես Ղարաբաղյան հիմանախնդրի հանգուցալուծման հիմնարար սկզբունքներից մեկը, ինչն ամրագրված է մի շարք միջազգային կառույցների փաստաթղթերում», - նշեց նախարարը:
Վերջինս նկատեց, որ Հայաստանը բազմիցս հայտարարել է, որ ընդունում է եռանախագահների սկզբունքները որպես բանակցությունների հիմք, մինչդեռ Ադրբեջանը շարունակաբար հրաժարվում է դրանք ընդունել և հրաժարվում է միանալ այն միջազգային փաստաթղթերին, որոնք դրանց են հղում անում:
«Պարզ է, որ չի կարող հակամարտության հանգուցալուծում լինել, մինչև Ադրբեջանը չընդունի միջազգային իրավունքի այս սկզբունքները: Փոխարենը Բաքուն նախընտրում է ինչ-ինչ մտացածին սցենարներ հորինել, համանախագահներին երևակայական առաջարկություններ վերագրել: Այս մտավարժանքները իրականության հետ ոչ մի կապ չունեն», - նշեց Էդվարդ Նալբանդյանը:
Ամբողջական հոդվածը կարող եք կարդալ այստեղ։
