Panorama.am-ը գրում է.
Երբ Իրաքյան Քուրդիստանի ղեկավարությունը հայտարարեց սեպտեմբերին անկախության հանրաքվե անցկացնելու մտադրության մասին, հետաքրքիր զուգադիպությամբ առաջինն արձագանքեց ոչ թե Իրաքը, այլ Թուրքիան: Այսօր կայացած մամուլի ասուլիսի ժամանակ այս մասին ասաց թուրք-քրդական հակամարտությունների փորձագետ Կարեն Հովհաննիսյանը՝ ընդգծելով, որ մոտ ապագայում քրդական պետությունների ստեղծումը խիստ իրատեսական է՝ հատկապես իրաքյան և սիրիական տարածքների վրա:
Ինչ վերաբերում է Թուրքիային, ապա այդ երկրի հարավ արևելյան Հաքարի նահանգում առայժմ փորձ է արվում ստեղծել քրդական ինքնիշխան միավորում. «Բոլորովին վերջերս այստեղ հրաժարվել են թուրքական դրամական միավորից՝ լիրայից և թուրքական բանկային ծառայություններից: Այնուամենայնիվ, թուրքական իշխանություններին հաջողվեց Հաքարիի քրդական միավորումներ ստողծող կազմակերպիչներին արտաքին աշխարհից մեկուսացնել»:
Ամբողջական հոդվածը կարող եք կարդալ այստեղ
