Araratnews.am-ը գրում է.

Եվրասիական միության անդամ երկրների վարորդները, այդ թվում՝ Հայաստանի, կկարողանան աշխատել Ռուսաստանում առանց վարորդական իրավունքի ռուսական նմուշի: Պետդուման նախատեսում է հունիսի 1-ին ուժի մտած օրենքում փոփոխություններ կատարել. այս մասին լրագրողների հետ զրույցում հայտնել է ՌԴ-ում Բելառուսի դեսպան Ալեքսանդր Սուրիկովը:

«Ռուսաստանում տրանսպորտային միջոց վարելու համար անհրաժեշտ է ռուսական [վարորդական] իրավունք ունենալ: Ամառային ժամանակահատվածից հետո Պետդուման փոփոխություններ կկատարի՝ վերացնելու Եվրասիական տնտեսական միության անդամ երկրների վարորդների համար ռուսական վարորդական իրավունք ունենալու անհրաժեշտությունը»,- ասել է Սուրիկովը:

Ավելի վաղ հաղորդել էինք, որ հունիսի 1-ից Ռուսաստանում ուժի մեջ էր մտել ռուսական վարորդական իրավունք չունեցող ներգաղթյալ վարորդների համար աշխատանքի արգելքը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել