«Կենտրոնական բանկի սպասելիքներն այս տարվա տնտեսական գործընթացների վերաբերյալ շարունակում են լավատեսական լինել:ԿԲ-ն Հայաստանի տնտեսական աճի ակնկալիքները վերանայել է աճի ուղղությամբ: Երկրորդ եռամսյակի գնաճի հաշվետվության մեջ ներկայացվող դրամավարկային քաղաքականության կանխատեսումներում, տնտեսական աճի պոտենցիալը գնահատվել է 3,3- 4,8 տոկոսի միջակայքում:
Հիշեցնենք, որ պետական բյուջեով նախատեսված է համախառն ներքին արդյունքի 3,2 տոկոս ավելացում:
Նախորդ կանխատեսման համեմատ ԿԲ սպասելիքները զգալիորեն բարելավվել են: Տարեսկզբին 2017թ. համար ակնկալիքները 2,2-3,2 տոկոսի սահմաններում էին: Երեք ամիս առաջվա համեմատ նվազագույն աճի հավանականությունը բարձրացվել է 1,1, իսկ առավելագույնը՝ 1,6 տոկոսով:
Ըստ այդմ, առավելագույն և նվազագույն աճի միջև տարբերությունը զգալիորեն խորացել է: Եթե տարեսկզբին այն 1,1 տոկոսի սահմաններում էր, ապա այժմ հասել է 1,5-ի: Դա հիմք է տալիս ասելու, որ աճի հետ կապված անորոշություններն ավելացել են: Թերևս դա էլ ստիպել է Կենտրոնական բանկին սահմանել տատանողականության ավելի մեծ միջանցք:
Տնտեսական աճի սպասելիքների վերանայումը Կենտրոնական բանկը պայմանավորում է տարեսկզբին տեղի ունեցած դրական զարգացումներով.
2017թ. առաջին եռամսյակում տնտեսական ակտիվությունը կանխատեսումների համեմատ բավական բարձր է եղել՝ հիմնականում պայմանավորված արդյունաբերության և ծառայությունների ոլորտներում թողարկման ծավալների աճով: Ելնելով դրանից՝ ԿԲ-ն 2017թ. տնտեսական աճի կանխատեսումը վերանայել է դեպի վերև»,-գրում է թերթը:
Նյութն ամբողջությամբ կարդացեք թերթի այսօրվա համարում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել