Armsport.am-ը գրում է.
Սերբիայի Նովի Սադ քաղաքում ընթանում է ազատ ոճի ըմբշամարտի Եվրոպայի առաջնությունը:
Այսօր Հայաստանի ներկայացուցիչներից գորգ կմտնեն 65 կգ քաշային Նարեկ Սիրունյանը և 97 կգ քաշային Գեորգի Կետոևը, հայտնում է ՀԱՕԿ-ի պաշտոնական կայքը:
Հայ ըմբիշները պայքարը կսկսեն որակավորման փուլից, որտեղ Սիրունյանի մրցակիցը կլինի Գերմանիան ներկայացնող Ալեքսանդր Սեմիսորովը, իսկ Կետոևինը` Տարիկ Ազոուզին (Բելառուս):
Հիշեցնենք՝ ըմբշամարտի Եվրոպայի առաջնության մեկնարկային օրը՝ մայիսի 2-ին, հայ ըմբիշները չկարողացան մեդալ նվաճել:
57 կգ քաշային Գարիկ Բարսեղյանը իր մեկնարկային գոտեմարտում պարտվեց թուրք Սուլեյման Աթլիին և դուրս մնաց հետագա պայքարից, քանի որ Աթլին չկարողացավ դուրս գալ եզրափակիչ:
Իսկ 86 կգ քաշային Վահե Թամրազյանը 1/8 եզրափակչում հաղթեց Իսրայելը ներկայացնող Դավիթ Ռադչենկոյին, սակայն քառորդ եզրափակչում զիջեց Ադրբեջանը ներկայացնող Ալեքսանդր Գոստիևին: Այունհետև՝ Թամրազյանը սփոփիչ գոտեմարտի իրավունք ստացավ, սակայն այստեղ ևս պարտվեց՝ զիջելով լեհ Զբիգնիև Մատեուշ Բարանովսկուն: