Aysor.am-ը գրում է.
Մոտ օրերս որոշում կկայացվի, թե որտեղ է իր պատիժը կրելու Գյումրիում Ավետիսյանների ընտանիքի սպանության համար ցմահ ազատազրկման դատապարտված ռուս զինծառայող Վալերի Պերմյակովը։
«Ես զուտ տեսականորեն ասում եմ, որ, հնարավոր է, Վալերի Պերմյակովը տեղափոխվի Ռուսաստան: Կոնկրետ որևէ տվյալ չկա, ասում եմ՝ զուտ հաշվի առնելով այն փաստը, որ ինքը եղել է Ռուսաստանի դատապարտյալ, երբ որ գործը մտել է դատարան», -Aysor.am-ի հետ զրույցում ասաց Վալերի Պերմյակովի պաշտպան Էդուարդ Աղաջանյանը։
Պաշտպանի խոսքով՝ իրեն հասած տեղեկություններով, տուժողների վճռաբեկ բողոքը վարույթ չի ընդունվել։
«Իսկ դա նշանակում է, որ դատավճիռը մտել է օրինական ուժի մեջ, այսինքն՝ արդարադատության նախարարության քրեակատարողական վարչությունն արդեն վերջնականապես պետք է որոշի Պերմյակովի պատիժը կրելու հարցը», - ընդգծեց ռուս զինծառայողի հանրային պաշտպանը։
Նա նաև նշեց, որ որևէ տեղեկություն չունի Ռուսաստանում դատապարտված հայ վարորդ Հրաչյա Հարությունյանին Վ. Պերմյակովի հետ փոխանակելու՝ մամուլում շրջանառվող լուրերի մասին:
Վ. Պերմյակովին Հրաչյա Հարությունյանի հետ փոխանակելու մասին լուրերը հերքեցին ՀՀ արդարադատության նախարարությունից:
Ամբողջական հոդվածը կարող եք կարդալ այստեղ
