Քրդական ուժերը մոտ են Տաբկա քաղաքը Իսլամական պետությունից ազատագրելուն:Հաջորդ բնակավայրն Իսլամական պետության կենտրոն համարվող ալ-Ռակկան է, որի ազատագրման ցանկության մասին քրդերն արդեն հայտարարել են: Ավելին՝ քրդերն արդեն ստեղծել են ալ-Ռակկայի ղեկավարման խորհուրդ, որի մեջ ընդգրկել են տարբեր էթնո-դավանական շերտերի ներկայացուցիչների: Քրդերը սրանով ցույց են տալիս, որ չեն շտապելու հեռանալ այս հատվածից:
Տեսնենք՝ Թուրքիայի արձագանքն ինչպիսին է լինելու: Չէ՞ որ Սիրիայի այս հատվածը մեծամասամբ քրդաբնակ չի եղել: Հնարավոր է՝ Անկարան ԱՄՆ աջակցությունը վայելող քրդական ինքնապաշտպանական ուժերի դեմ ոտքի հանի տեղի արաբ ցեղերին և սուննիական ճամբարի ոչ քուրդ խմբավորումներին (այդ թվում՝ իսլամական ծայրահեղական)՝ ստանալով նաև Պարսից ծոցի արաբական միապետությունների աջակցությունը:
Նյութի աղբյուր՝ https://www.facebook.com/sargis.grigoryan.50/posts/1420878147973969?notif_t=close_friend_activity¬if_id=1493707500224222
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
