Մոուրինյու. Վան Գալը լավ թիմ է թողել ինձ, սակայն ուժեղացրեցի այն

Armsport.am-ը գրում է.

Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն պատմել է, թե ինչն է փոխել ֆուտբոլիստների հոգեբանության մեջ:

«Թիմը լավն էր` հիանալի մարդիկ, հիանալի տղաներ, նպատակասլաց, ուստի Վան Գալը որակյալ աշխատանք է կատարել և ինձ թողել լավ կոլեկտիվ:

Սակայն կարծում եմ, որ նրանց չէր բավականացնում երջանկության, վստահության և հավատի զգացողություն: Հենց այդ որակներն են թույլ տալիս պայքարել մինչև վերջ: Երբ հաջորդ մրցաշրջանը մեկնարկենք ուժեղ կոլեկտիվի և նոր ֆուտբոլիստների հետ, ապա կկարողանանք ավելին անել»,- Մոուրինյուի խոսքը մեջբերում է «Mirror»-ը:

Հիշեցնենք, որ Լուի վան Գալը «Մանչեսթեր Յունայթեդը» գլխավորել է 2014-ից 2016 թվականներին: