Ձեզ ենք ներկայացնում մեր մոլորակի մասին ամենահետաքրքիր և զարմանալի 13 փաստերը, որոնք շատերի մոտ կարող են անգամ ծիծաղ առաջացնել:
1. Զարմանալի է, բայց փաստ. ատոմները, որոնք կազմում են Ձեր մարմինը, 98%-ով տարբերվում են այն ատոմներից, որոնք կազմում էին Ձեր մարմինը մեկ տարի առաջ:
Կարելի է ասել, որ ամեն տարի Դուք ամբողջովին այլ մարդ եք դառնում:
2. Ստանդարտ կապոցով խաղաքարտերի տեղափոխության տարբերակները ավելի շատ են, քան Երկրի վրայի ատոմները:
Եթե կապոցում 52 խաղաքարտ կա, ապա տեղափոխման եղանակները հավասար են 52!=1*2*3*4*5*…*51*52: 52-ի ֆակտորիալը շատ մեծ թիվ է, որը մոտավոր 67 հատ զրո է վերջում պարունակում:
3. Բուրգերը Կլեոպատրայի համար ավելի հին էին, քան Կլեոպատրան՝ մեզ համար
Թվում է, թե բուրգերն ու Կլեոպատրան մոտավորապես նույն ժամանակաշրջանից են, սակայն իրականում նրանց միջև 2500 տարվա տարբերություն կա:
4. Մի ժամանակ Դուք աշխարհում ամենափոքր մարդն էիք:
Ճիշտ է, ընդամենը մի քանի վայրկյանով, սակայն եղել եք:
5. Ձեր աջ կողմում գտնվող մարդը ամենամեծ հեռավորության վրա է գտնվում Ձեզանից ձախ գտնվող մարդուց:
Այո, սա օվալաձև Երկրագնդի կախարդանքն է:
6. Ատոմներն ուսումնասիրող մարդիկ ատոմների կույտ են, որոնք փորձում են իրենք իրենց հասկանալ:
7. Մեկ միլիոն վայրկյանի և մեկ տրիլիոն վայրկյանի միջև տարբերությունը մոտ 32 000 տարի է կազմում:
Մեկ միլիոն վայրկյանը 11,5 օր է կազմում, մեկ միլիարդ վայրկյանը՝ 31 ու ¾ տարի: Իսկ ահա մեկ տրիլիոն վայրկյանը արդեն 31 710 տարի է: Անհավատալի է, այնպես չէ՞:
8. Օքսֆորդի համալսարանը «տարիքով» ավելի մեծ է, քան Ացտեկների կայսրությունը և առաջին տպագրական մեքենան:
Այս համալսարանում ուսանել սկսել են 1096 թվականից: Իսկ Ացտեկների կայսրությունը հայտնվել է դրանից 100 տարի անց: Տպագրական մեքենան հայտնագործել է Յոհան Գուտենբերգը՝ 1439 թվականին, մինչ Օքսֆորդի ուսանողներն արդեն 350 տարի շարունակ սովորում էին ձեռագիր գրքերով:
9. Եթե խորը մտածենք, ապա ստացվում է, որ ուղեղն ինքն իրեն անվանում է տվել:
10. Երկու երեխաներ, որոնք միաժամանակ ծնվել են Կալինինգրադում և Վլադիվոստոկում, ծննդյան տարբեր ամսաթվեր կարող են ունենալ, հետևաբար մեկը մյուսից ավելի մեծ կլինի:
Ժամային գոտիների տարբերության պատճառով:
11. Իրականում մենք երբեք ոչնչի չենք դիպչում:
Ատոմների կառուցվածքի, քվանտային ֆիզիկայի և այն փաստի շնորհիվ, որ էլեկտրոնները բացասական լիցք ունեն, մեր մարմինների էլեկտրոնները երբեք չեն կարող «դիպչել» այլ էլեկտրոնների: Դրանք ուղղակի շատ, շատ, շատ մոտենում են միմյանց:
12. Իր կյանքի ընթացքում մարդն այնքան թուք է արտադրում, որ դրանով երկու լողավազան կարելի կլինի լցնել:
13. Փաստը, որ Արեգակն ու Լուսինը արևի խավարման պահին Երկրի հետ նույն չափսերի են թվում, ուղղակի անհավանական տիեզերական համընկնում է:
Լուսինը հստակ չափսեր ունի և հստակ հեռավորության վրա է գտնվում Երկիր մոլորակից, ինչը զարմանալիորեն համատեղվում է Արեգակի չափսերի և դրա՝ Երկրից հեռավորության հետ: Այդ իսկ պատճառով էլ արևի խավարման ժամանակ դրանք մեզ միևնույն չափսերի են թվում:
