Panorama.am-ը գրում է.
Ռուսական կողմը խնդիր չի տեսնում, որպեսզի Աբխազիայի տարածքով դեպի Հայաստան բեռների փոխադրումը վերսկսվի: Այս մասին այսօր՝ ապրիլի 19-ին, Սուխումիում ընթացող մամուլի ասուլիս ժամանակ հայտարարել է ՌԴ արտգործնախարար Սերգեյ Լավրովը:
«EaDaily.com» կայքի փոխանցմամբ՝ Լավրովը շեշտել է, որ տարանցման գործընթացը վերագործարկելու համար անգամ առկա են իրավական հիմքեր:
«Այն կարող է հիմնվել այն պայմանավորվածությունների վրա, որոնք ձեռք են բերվել Ռուսաստանի Դաշնության և Առևտրի համաշխարհային կազմակերպության միջև 2011թ-ին, երբ մենք անդամակցեցինք այդ կառույցին: Մենք գիտենք, որ մեր հայ գործընկերները շահագրգռված են փոխադրումների այս ուղու վերագործարկման մեջ, այսօր Աբխազիայի նախագահը հայտարարեց, որ դեմ չէ տարանցիկ երկիր դառնալու հեռանկարին, սակայն դա նաև կախված է այն երկրների դիրքորոշումից, որոնք տարանցիկ երթուղու մաս են կազմելու»,-նշել է Լավրովը:
Ամբողջական հոդվածը կարող եք կարդալ այստեղ
