Մի քանի ամիս առաջ երիտասարդ երգչուհի Լուսինե Աղաբեկյանն իր «Հիմա» երգի հիման սկսել է նկարահանել տեսահոլովակ: Սա երգչուհու երրորդ աշխատանքն է: Տեսահոլովակի ռեժիսորը Արամայիս Հայրապետյանն է, խոսքը և երաժշտությունը Ռիչարդ Մադլենյանինն են, իսկ գործիքավորումը կատարել է Նիգ Էգիբյանը:
«Հիմքում «Ջումանջի» խաղն է, այն բաղկացած է մի քանի մասից, այդ խաղի միջով անցնում եմ մի քանի փորձություններով»,- ArmStar.am –ի հետ զրուցում նշեց Լուսինեն:
Տեսահոլովակում երգչուհու կերտած կերպարները մեկը մյուսից բարդ են, բայց ինչպես նշեց Լուսինեն` փորձել է բոլորն էլ հաղթահարել:
«Նկարահանումները տարվա տարբեր եղանակներին են եղել, և դրանցից մեկի ժամանակ էլ հասցրեմ եմ մրսել»,- ավելացրեց «Հայ Սուպերսթար 2» նախագծի հաղթող երգչուհին:
Ներկայում ընթանում են մոնտաժային և գրաֆիկական աշխատանքները, որն ավարտելուց հետո տեսահոլովակը կներկայացվի երկրպագուների դատին:
«Ներողություն եմ խնդրում այդքան ուշացնելու համար, բայց կարծում եմ` լավ գործը երկար ժամանակ է պահանջում»,-նշեց Լուսինեն:
Զրուցեց` Սիրանուշ Գրիգորյանը
ArmStar.am-ը ներկայացնում է տեսահոլովակի նկարահանման ընթացքի լուսանկարները` Լուսինե Աղաբեկյանի անձնական արխիվից:
