Հայաստանում 2017 թվականի մարտին փետրվարի համեմատ արձանագրվել է սննդամթերքի 0.8% գնանկում, ինչի վրա իր անմիջական ազդեցությունն է թողել բանջարեղենի 7.1% գնանկումը: ԱՎԾ-ի հրապարակած տվյալներից տեղեկանում ենք, որ բանջարեղենի ապրանքախմբում 2017 թ. մարտին, 2016 թ. մարտի համեմատ, արձանագրվել է 13.4% գնաճ, իսկ 2017 թ. փետրվարի համեմատ` 7.1% գնանկում:

Կաթնամթերքի, պանրի և ձվի ապրանքախմբում 2017 թ. մարտին 2016 թ. մարտի համեմատ արձանագրվել է 3.0%, իսկ 2017թ. փետրվարի համեմատ`0.2% գնանկում, այդ թվում՝ ձվի գինը նվազել է 0.7%-ով: Շաքարի և շաքարավազի ապրանքախմբում 2017 թ. մարտին 2016 թ. մարտի համեմատ գրանցվել է 14.9% գնաճ, իսկ 2017 թ. փետրվարի համեմատ՝ 0.2% գնանկում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել