Times.am-ը գրում է.
 Հայաստանի Հանրապետության տարածքում 2016 թվականին գործող հյուրանոցներում և հյուրանոցային տնտեսություններում տեղաբաշխվել է շուրջ 979 հազար 968 հայաստանյան ռեզիդենտ-զբոսաշրջիկ: Ըստ ՀՀ ազգային վիճակագրական ծառայության հրապարակած տվյալների, 2015 թվականին նրանց թիվը կազմու մ էր 871 հազար 888 մարդ: 2016 թվականին այս ցուցանիշն ավելացել է 12,4 տոկոսով:
 Ներքին զբոսաշրջության շուրջ 71%-ը բաժին է ընկել հանգստին և ժամանցին, 17.5%-ը կրել է գործնական բնույթ, մոտ 6%-ն ունեցել է բուժման նպատակ:

Հարկ է նշել, որ հաշվետու տարում, նախորդ տարվա համեմատ, Հայաստանում ավելացել է ներքին զբոսաշրջությունը՝ հանգստի ու գործնական նպատակներով: Միևնույն ժամանակ, բուժման նպատակով ներքին զբոսաշրջությունը կրճատվել է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել