Times.am-ը գրում է.
 Գերմանիայի կանցլեր Անգելա Մերկելը մտադիր է ներկայացնել իր դիրքորոշումը ԱՄՆ-ի նախագահ Դոնալդ Թրամփի հետ զրույցում: Այդ մասին, ինչպես տեղեկացնում է «Արմենպրես»-ը, ճեպազրույցում հայտնել է ԳՖՀ-ի կառավարության պաշտոնական ներկայացուցիչ Շտեֆան Զայբերտը:

Մերկելը պլանավորում է մարտի 13-ին օրվա երկրորդ կեսին մեկնել Վաշինգտոն: Մարտի 14-ի առավոտյան պլանավորված է նրա հանդիպումը Թրամփի հետ:

«Կանցլերն ուրախ է, որ հնարավորություն ունի կարծիքներ փոխանակել Միացյալ Նահանգների նախագահի հետ»,-ասել է Զայբերտը, հավելելով, որ Մերկելը «պարզորոշ կներկայացնի է իր դիրոքորոշումը, Գերմանիայի կառավարության դիրքորոշումը»:

Կառավարության ներկայացուցչի խոսքով՝ կողմերի քննարկումների կենտրոնում գտնվելու են անդրատլանտյան գործընկերության եւ միջազգային քաղաքականության թեմաները: Զայբերտը հավելել է, որ «մեր կարեւորագույն եւ մերձավոր անդրատլանտյան գործընկերների հետ երկխոսությունը… նորմալ է եւ անհրաժեշտ»:

Նա հաստատել է տեղեկատվությունն այն մասին, որ Մերկելի պատվիրակության կազմում կլինեն գերմանական արդյունաբերության երեք ներկայացուցիչներ՝ չհայտնելով նրան անունները: Ավելի վաղ Spiegel-ը հայտնել էր, որ Siemens եւ BMW կոնցեռնների ղեկավարները կանցլերին կուղեկցեն Վաշինգտոն այցի ընթացքում, հաղորդել է ՌԻԱ Նովոստին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել