Tert.am-ը գրում է.
Չպետք է հուսահատվել, որովհետև ելք կա: Այսօր Արաբկիրում «Ելք» դաշինքի քարոզարշավի ժամանակ այս մասին հայտարարեց դաշինքի համապետական ցուցակի երրորդ հորիզոնականը զբաղեցնող Նիկոլ Փաշինյանը:
«Մենք եկել ենք ասելու, որ Հանրապետական կուսակցության ստեղծած այս ճահճից ելք կա: Եվ ապրիլի 2-ին կարող եք օգտվել այդ ելքից՝ տեղամասեր գնալով և «Ելք » դաշինքի օգտին քվեարկելով»,- բարձրախոսով հայտարարեց Նիկոլ Փաշինյանը՝ կրկին վերադառնելով իր հայտնի որակմանը՝ Հայաստանի Հանրապետության հպա՛րտ քաղաքացիներ:
Այսօրվա քարոզարշավի մեկնարկը տրվեց Արաբկիր շուկայի մոտից. այստեղից «Ելք»-ի թեկնածուները Արաբկիրում բակ առ բակ քարոզարշավ անցկացրեցին:
Բակերից մեկում բարձրախոսը ձեռքին Նիկոլ Փաշինյանը, տեսնելով մանկասայլակի մեջ քնած երեխային, մորը հարցրեց՝քնա՞ծ ա, ու առաջարկեց ավելի հեռու տեղ գնալ:
Դաշինքի անդամները ոչ միայն քարոզում էին, այլև պատասխանում քաղաքացիների հարցերին: Պատասխանելով հնարավոր ընտրակեղծիքներով մտահոգ տարեց արաբկիրցու հարցին՝ Նիկոլ Փաշինյանը նրան ասաց.
«Ես մի ձայն ունեմ, Դուք մի ձայն ունեք, եկեք այդ մի ձայնի ճակատագիրը որոշենք , հետո բոլոր ձայների ճակատագիրը»:
Շարունակությունն՝ այստեղ
