Նիդերլանդների ոստիկանության աշխատակիցները Ռոտերդամում կանգնեցրել են ընտանիքի և հասարակական քաղաքականության գործերով նախարար Ֆաթմա Բեթուլ Սայան Քայաի ավտոմեքենան: Այդ մասին հայտնում է RTV Rijnmond-ը:

Տեղեկացվում է, որ նրա ավտոմեքենան կանգնեցրել են լիցքավորման կայանի մոտակայքում, որի մոտ հավաքված մի քանի տասնյակ մարդիկ լոզունգներ էին աղաղակում ի աջակցություն Թուրքիայի:

Նշվում է, որ նախարարը հույս ուներ ժամանել դեսպանատուն, որի ներկայացուցիչը նույնպես գտնվում է դեպքի վայրում:

Ավելի վաղ ասվել էր, որ ընտանիքի գործերով թուրք նախարարը ծրագրում է ցամաքային ճանապարհով ժամանել Նիդերլանդներ այն բանից հետո, երբ երկրի իշխանությունների կողմից մերժվեց Թուրքիայի արտգործնախարարի ինքնաթիռի վայրէջք կատարելու թույլտվությունը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել