Նախապես ասում եմ, որ նախընտրական փուլում շահագրգռված չեմ մրցակից քաղաքական ուժերի ներկայացուցիչների դեմ հակաքարոզչությամբ զբաղվել՝ բացառությամբ այն դեպքերի, երբ ակնհայտ խախտումներով կծավալեն նախընտրական պայքարը ու երբ «քար» կնետվի մեր ուղղությամբ: Տեղեկացնում եմ, որ այդ դեպքում տվյալ ուժի հանդեպ կլինի բումերանգային հակադարձում: Եվ, հաշվի առնելով այն հանգամանքը, որ նրանք բումերանգից օգտվել իմացող ավստրալիական աբորիգեններ չեն, վերադարձը շատ ցավեցնող կլինի: Այնպես որ, հարգելի մրցակիցներ, զերծ կմնաք էժանագին ու պոպուլիստական բաներից:Նախընտրական քարոզչությունը կառուցելու եմ «հանուն»-ի համար: Ինձ քվե չտաք այն բանի համար, թե ինչպես կսևացնեմ մրցակցային ուժերին. դրանից ձեզ օգուտ չկա։ Ինձ քվե տվեք այն բանի համար, թե ինչ գործնական աշխատանք եմ պատրաստվում իրականացնել՝ իրատեսական ծրագրերը կյանքի կոչելու համար, որոնք կնպաստեն երկրի հզորացմանն ու զարգացմանը, իսկ ազգաբնակչության համար՝ Հայաստանը կդառնա արժանապատիվ կյանքով ապրելու երկիր:
Նյութի աղբյուր՝ https://www.facebook.com/arthur.yeghiazaryan/posts/10212521997552994?notif_t=close_friend_activity¬if_id=1487414745946790
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
