Times.am-ը գրում է.
 2016 թվականի ընթացքում Հայկական ատոմային էլեկտրակայանը պետական բյուջե է վճարել շուրջ 10 մլրդ 898 մլն ՀՀ դրամի հարկեր: Ինչպես տեղեկացնում է «Արմենպրես»-ը` վկայակոչելով ՀՀ պետական եկամուտների կոմիտեի հրապարակած տվյալները, ՀԱԷԿ-ը հայտնվել է մեր երկրի խոշոր հարկ վճարողների ցուցակի 11-րդ հորիզոնականում:
 Ըստ ներկայացված վիճակագրության՝ հաշվետու տարում, 2015 թվականի համեմատ, Հայկական ատոմային էլեկտրակայանի կողմից բյուջե վճարված հարկերն ու այլ պետական վճարներն աճել են ավելի քան 30 տոկոսով:

2016 թվականին ՀԱԷԿ-ի կողմից վճարված միայն ուղղակի հարկերը, այդ թվում՝ շահութահարկը և եկամտային հարկը, կազմել են 5 մլրդ 764 մլն ՀՀ դրամ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել