Times.am-ը գրում է.
 Ռումինիայի կառավարությունը խորհրդարանում հաղթահարել է ընդդիմության ներկայացրած անվստահության քվեն: Ինչպես հաղորդում է «Արմենպրես»-ը` վկայակոչելով BBC-ն, չնայած կառավարության համար այս բարենպաստ որոշմանը այս շաբաթ կիրակի կրկին հակակոռուպցիոն կարգախոսներով ցույցեր են ծրագրվում Բուխարեստում:
 Ղեկավարող կոալիցիան ներկայացնող երեք կուսակցությունների ներկայացուցիչներն էլ ձեռնպահ են քվեարկել, ինչը զրկել է ընդդիմությանը կառավարությանն անվստահություն հայտնելու հնարավորությունից, ինչի համար անհրաժեշտ էր պատգամավորների ձայների կեսից ավելին:

Ռումինիայում զանգվածային ցույցերը սկսվել են այն բանից հետո, երբ կառավարությունը որոշում է ընդունել ապաքրեականացնել կոռուպցիայի որոշ դրսևորումներ, իսկ կոռուպցիայի մեջ մեղադրվող և բանտերում գտնվող որոշ պաշտոնյաների նկատմամբ համաներում հայտարարել:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել