Իրանի բարձրագույն առաջնորդ այաթոլա Ալի Համենեին հայտարարել է, որ Թեհրանը փետրվարի 10-ին կպատասխանի ԱՄՆ նախագահ Դոնալդ Թրամփի կողմից սպառնալիքներին: Այդ մասին հայտնում է gazeta.ru-ն՝ հղում կատարելով IRNA-ին:
Իրանի առաջնորդն արել է այդ հայտարարությունը երկրի ռազմաօդային ուժերի անձնակազմի և հրամանատարության հետ ունեցած հանդիպման ժամանակ:
«Ոչ մի թշնամի չի կարող անդամալուծել իրանի ժողովրդին: Իրանցիները կպատասխանեն այդ սպառնալիքներին ուրբաթ օրը»,- ասել է այաթոլան:
Նա հիշեցրել է, որ փետրվարի 10-ին Իրանը կտոնի 1979թ. Իսլամական հեղափոխության տարեդարձը:
«Թրամփը ասում է. «Դուք պետք է վախենաք ինձնից». Ո՛չ: Իրանի ժողովուրդը կպատասխանի նրա արտահայտություններին փետրվարի 10-ին և ցույց կտա իր վերաբերմունքը նման սպառնալիքներին»,- ընդգծել է Համենեին:
Ավելի վաղ ԱՄՆ նախագահ Դոնալդ Թրամփը հայտարարել էր, որ Իրանը «բոլորովին չի հարգում» ԱՄՆ-ը և հանդիսանում է «համար մեկ ահաբեկչական երկիրը»:
