Azatutyun.am-ը գորւմ է.Արմավիրի ծննդատան գինեկոլոգ Նշան Գևորգյանը, ում Նալբանդյան գյուղի բնակիչներ Նարինե Բրոյանն և Իսա Իսայանը մեղադրում են իրենց 4 օրական առաջնեկի մահվան մեջ, պնդում է, որ ինքը ծնողներին է հանձնել կենդանի երեխա և մեղավոր չէ:
Արդեն մեկ շաբաթ անհետ կորած բժիշկը հունվարի 31-ից բուժվում է «Արմենիա» հիվանդանոցում և դուրս գրվելուց հետո պատրաստվում է վերադառնալ աշխատանքի:
Մինչդեռ Արմավիրի բժշկական կենտրոնում այս ընթացքում հիմքեր են նախապատրաստում Գևորգյանին աշխատանքից ազատելու համար, սակայն ոչ թե բժշկական սխալի պատճառով, այլ, ինչպես «Ազատության» հետ զրույցում նշեց տնօրեն Սարգիս Խաչատրյանը՝ գինեկելոգը առանց պատճառաբանության բացակայել է և խախտել է աշխատանքային կարգուկանոնը․ - «Մենք հանձնաժողով ենք ստեղծել, քննարկել ենք, ես իրավաբանների հետ զրուցեցի: Առանց իրա բացատրություն վերցնելու մենք չենք կարող աշխատանքը լքելու համար իրան ազատել աշխատանքից: Արդեն ես զգուշավոր եմ, որովհետև առաջին անգամ ես որ իրան ազատեցի աշխատանքից, նա վերականգնվեց դատարանով: Իսկ հիմա ես ուզում եմ ամեն ինչը լավ հավասարակշռված անեմ, որպեսզի ոչ մի լազեյկա չթողեմ, որպեսզի նա վերականգնվի»:
Սարգիս Խաչատրյանը բժիշկ Գևորգյանի հետ աշխատել այլևս չի ցանկանում:
Իսկ ինչ վերաբերում է մահացած նորածնին և այդ փաստի շուրջ բարձրացած աղմուկին, ապա հիվանդանոցի տնօրենն ասում է․ - «Ես էլ եմ կողմ, որ նա, եթե աներ կեսարյան հատում, սենց բան չէր լինի: Ինքը չգիտես ինչի ա փախել․․․ կարա պարզ կանգնի, ասի՝ աքցանադրում եմ արել, ճիշտ եմ արել․․․ Մի բան պատասխաներ»:
Ամբողջական հոդվածը կարող եք կարդալ այստեղ:
