ԱՄՆ նախագահ Դոնալդ Թրամփի վերջերս արված հայտարարությունը Ռուսաստանի նախագահ Վլադիմիր Պուտինի մասին հակասում է հանրապետականների արտաքին քաղաքականությանը, նշում է The Washington Post-ը:
Թրամփը հարցազրույցում կրկին արտահայտել է իր դրական տրամադրվածությունը Պուտինի նկատմամբ, ինչն անհանգստացրել և հիասթափեցրել է հանրապետականներին:
«Ես չեմ մտածում, որ կա ինչ-որ համարժեք այն բանում, թե ինչպես են իրենց պահում ռուսները և ամերիկացիները»,- ասել է Սենատում մեծամասնության առաջնորդ Միտչ Մաքքոնելը:
Հանրապետական սենատոր և Ներկայացուցչական պալատի խոսնակ Փոլ Ռայնի ներկայացուցիչը նշել է անցյալ ամիս CNN հեռուստաալիքին Թրամփի տված հարցազրույցը, որի ժամանակ նա Ռուսաստանը անվանել է «գլոբալ սպառնալիք» և ասել է, որ Պուտինը «չի կիսում մեր հետաքրքրությունները, նա դրանց խոչընդոտում է»:
Պարբերականը նշում է, որ կոնգրեսմեն Լիզ Չեյնին քննադատել է նախագահի խոսքերը, հայտարարելով, որ «Թրամփի բառերը, որոնք ենթադրում են բարոյական համարժեքություն Ռուսաստանի և ԱՄՆ-ի միջև, խորը անհանգստություն են առաջացնում»:
