Ուկրաինայի Գերագույն ռադայի առաջին փոխխոսնակ Իրինա Գերաշենկոն անհարմար վիճակում է հայտնվել՝ Facebook-ում հրապարակելով փոստ, որում շփոթել է Ռուսաստանն ու ԵՄ-ն: Այս մասին հայտնում է ուկրաինական «Վեստի» պարբերականը:

Գերաշենկոն իր ֆեյսբուքյան էջում հրապարակել է փոստ, որում «Եվրոպական ճշմարտության» հոդվածին հղումով՝ ասվում էր, որ ԵՄ պատժամիջոցները Ռուսաստանի համար արժեցել են 17,5 մլրդ եվրո: Հոդվածում, ընդհակառակը՝ ասվում էր, որ ԵՄ-ն պատժամիջոցների հետևանքով կորցրել է նշված գումարը:

Երբ ընթերցողները մատնանշել են Գերաշենկոյի սխալը, նա առանց մեկնաբանության ջնջել է փոստը: Պարբերականը ներկայացնում է նրա գրառման սքրինշոթը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել