Թուրքական Anadolu լրատվական գործակալության փոխանցմամբ՝ Թուրքիայի արտգործնախարար Մևլյութ Չավուշօղլուն հայտարարել է, որ Սիրիական ազատ բանակի ջոկատները Թուրքիայի զինված ուժերի աջակցությամբ հասել են սիրիական Էլ Բաբ քաղաքին, որը գտնվում է ԴԱԻՇ-ի վերահսկողության ներքո։
Նրա խոսքերով՝ Էլ Բաբը կազատագրվի շուտով։ Նա հավելել է, որ Անկարան փորձագետներ է ուղարկել Սիրիայի Մանբիջ քաղաք, որոնց ուղեկցում են ամերիկացի զինվորականները, և որ նրանք պետք է ստուգեն, թե արդյոք քաղաքը լքե՞լ են Սիրիայի քրդերը, ինչպես որ պահանջել է Թուրքիան։
Ընդգծվում է, որ Սիրիական ազատ բանակի ջոկատները Թուրքիայի զինված ուժերի աջակցությամբ Էլ Բաբ են մտել հյուսիսից ու արևելքից, և որ կատաղի մարտեր են ընթանում ԴԱԻՇ-ի զինյալների հետ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
