Image result for տնտեսական աճԿիսապատրաստուկների արտադրության աճ` 18,2 տոկոսով

Եթե ուսումնասիրենք ազգային վիճակագրական ծառայության վերջին տվյալները, ապա կտեսնենք, որ այս տարվա առաջին տասը ամիսներին Հայաստանում արտադրվել է 46 հազար 159,6 տոննա միս:

Եթե համեմատենք այս ցուցանիշը նախորդ տարվա տվյալների հետ, ապա կփաստենք, որ այս տարի արտադրությունն աճել է 4,4 տոկոսով: Աճ է արձանագրվել նաև մսամթերքի և երշիկեղենի արտադրությունը: Այս տարվա տվյալներով արտադրության ծավալները հասել են 5 հազար 24,2 տոննայի, ինչը 9 տոկոսով գերազանցում է նախորդ տարվա ցուցանիշը:
Շարունակելով մսամթերքի արտադրության թեման` անդրադառնանք կիսապատրաստուկներին: Առաջին տասը ամիսներին արտադրված 398,7 տոննան հնարավորություն է տվել գերազանցել նախորդ տարվա ցուցանիշը 18,2 տոկոսով:

Ընդանուր առմամբ ոլորտում առկա է դրական միտում: Այստեղ իր ուրույն դերն ունի արտահանման ծավալների ավելացումը: Որպես օրինակ կարելի է բերել օրեր առաջ Իրան արտահանվող մանր եղջերավոր կենդանիների մսի ծավալների վերաբերյալ տվյալները, որոնց համաձայն՝ միայն այս տարվա առաջին տասը ամիսներին արտահանված մսի ծավալները երեք անգամ գերազանցում են նախորդ տարվա ամփոփված ցուցանիշը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել