Մոուրինյո. Շվայնշտայգերը կարող է մնալ «Մանչեսթեր Յունայթեդում»

Aysor.am-ը գրում է.

«Մանչեսթեր Յունայթեդի» գլխավոր մարզիչ Ժոզե Մոուրինյոն խոսել է թիմում Բաստիան Շվայնշտայգերի ապագայի մասին, փոխանցում է Sports.ru-ն:

«Իհարկե, Շվայնշտայգերը կարող է մնալ թիմում։ Երբ դուք պայմանագիր ունեք ու լի եք վճռականությամբ, ձեր ապագան ձեր ձեռքերում է։ Ամռանը փորձեցինք ինչ-որ բան անել, որպեսզի Բաստիանի ապագան այլ լինի։ Բայց նա անկոտրում էր ու որոշեց մնալ նույնիսկ ամենածանր պայմաններում։ Նա աշխատեց ու արժանի էր խաղադաշտ մտնել վերջին հանդիպման ժամանակ։ Ինձ դուր են գալիս մարդիկ, ովքեր լի են վճռականությամբ։ Եվ Շվայնշտայգերն այն խաղացողն է, ով կարող է օգնել մեզ»,- ասել է Մոուրինյոն։