«Ազգային ժողովի կանոնակարգ» օրենքը խորհրդարանն այսօր ընդունեց առաջին ընթերցմամբ՝ 93 կողմ, 2 դեմ, 7 ձեռնպահ ձայների հարաբերակցությամբ: Դեմ քվեարկող պատգմավորներն էին «Հայ ազգային կոնգրես» խմբակցության ղեկավար Լևոն Զուրաբյանը և պատգամավոր Նիկոլ Փաշինյանը:

Մինչ քվեարկությունը ԱԺ նախագահ Գալուստ Սահակյանը նշեց, որ կանոնակարգ օրենքը քանի որ սահմանադրական օրենք է, ապա պետք է ընդունվի առնվազն 3/5-րդով:

«Ազգային ժողովի կանոնակարգ» օրենքում նախատեսվում են մի շարք փոփոխություններ  Ըստ ԱԺ նոր կանոնակարգի՝ ԱԺ նստաշրջանների տևողությունները և հերթական նիստերը աշնանային և գարնանային նստաշրջանների ընթացքում քառօրյա օրակարգով կլինեն:

Երկուշաբթի օրը կլինի խորհրդի նիստերի օր, որտեղ խորհուրդը քննարկում և ձևավորում է օրակարգը, հարցերի քննարկման ժամանակացույցը, որից հետո՝ երեքշաբթի օրն առավոտյան 10: 00-ից կսկսեն հերթական նիստերը և կշարունակվեն մինչև 18:00: Դրանք կարող են շարունակվել մինչ օրակարգի սպառումը, բայց դա չի կարող տևել ավելի, քան երեք օր:

ԱԺ-ն ընդունեց նաև Հայաստանի Հանրապետության Ազգային ժողովի պատգամավորի գործունեության երաշխիքների մասին նախագիծը 95 կողմ, 0 դեմ և 7 ձեռնպահ ձայներով։

ԱԺ արտահերթ նիստն ավարտվեց:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել