Sputnik լրատվական գործակալության փոխանցմամբ՝ Վրաստանի կառավարությունը պատրաստ է վաճառել պետությանը պատկանող երկու ընկերության բաժնետոմսերի 25-ական տոկոսը։

Այդ մասին Վրաստանի խորհրդարանի նիստում հայտարարել է Վրաստանի վարչապետի թեկնածու Գեորգի Կվիրիկաշվիլին՝ մանրամասնելով, որ խոսքը «Նավթի ու գազի կորպորացիա» և «Վրացական երկաթուղիներ» պետական ընկերությունների մասին է.

«Մենք հետևում ենք բորսայում տիրող իրավիճակին և արդեն իսկ բանակցություններ ենք անցկացրել մի շարք խոշոր ներդրումային բանկերի հետ, որպեսզի հենց որ տիրի բարենպաստ իրավիճակ, բորսայում վաճառքի կհանվի «Նավթի ու գազի կորպորացիա» և «Վրացական երկաթուղիներ» պետական ընկերությունների բաժնետոմսերի 25 տոկոսը»։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել