Ռուսական RIA Novosti լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը պաշտոնանկ է արել տնտեսական զարգացման նախարար Ալեքսեյ Ուլյուկաևին, ով մեղադրվել է խոշոր չափի կաշառք ստանալու համար։
Այդ մասին հայտարարել է Ռուսաստանի նախագահի մամլո քարտուղար Դմիտրի Պեսկովը։ Նա Պուտինի այդ որոշման կապակցությամբ հայտարարել է, որ Ուլյուկաևը կորցրել է վստահությունը։
Ռուսաստանի Քննչական կոմիտեն հերքել է Ուլյուկաևի փաստաբանների այն հայտարարությունը, թե պաշտոնյան կապ չունի դրամաշորթության ու 2 միլիոն դոլարի կաշառք ստանալու գործի հետ։
Կոմիտեի պաշտոնական ներկայացուցիչ Սվետլանա Պետրենկոն հայտարարել է, որ փողերի վրա հայտնաբերվել են Ուլյուկաևի մատնահետքերը։ Սրանից առաջ հաղորդվել էր, որ Ուլյուկաևի համար սահմանվել է տնային կալանք։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել