Aysor.am-ը գրում է.
Միջազգային քրեական դատարանը հայտարարել է, որ ամերիկացի զինվորականները և ԱՄՆ Կենտրոնական հետախուզական վարչությունը մեղավոր են Աֆղանստանում ռազմական հանցագործությունների համար։ Ինչպես հաղորդում է «Интерфакс»-ը, այս մասին հայտարարել է դատարանի դատախազ Ֆատու Բենսուդան՝ ներկայացնելով նախնական հետաքննության արդյունքների ամենամյա զեկույցը։
Բենսուդայի խոսքով՝ «առկա տեղեկատվությունը հիմք է տալիս հավատալու, որ ձերբակալվածների հարցաքննության ժամանակ ԱՄՆ զինված ուժերը և ԿՀՎ-ի աշխատակիցները կիրառել են մեթոդներ, որոնք ռազմական հանցագործությունների հետաքննության հանձնաժողովը դիտարկում է որպես կտտանքներ, ինչը ռազմական հանցագործություն է»։
Նա նաև նշել է, որ ամերիկացիները ձերբակալվածներից անհրաժեշտ տեղեկատվությունը ստանալու համար կիրառել են բռնություն։
Նրա խոսքով՝ ռազմական հանցագործությունների հիմնական մասը տեղի է ունեցել 2003-2004թթ․։
