«Առանց Ռաֆայել Նադալի ես չէի մնա լավագույնների մեջ այսքան երկար ժամանակ». Ռոջեր Ֆեդերեր

168.am-ը գրում է.

Կոմպլիմենտների նոր չափաբաժին մեյջորների 17-ակի չեմպիոնից «Հողածածկի Արքային»:

«Ռաֆան ընդմիշտ կմնա իմ կարիերայի լավագույն մրցակիցը: Նա ինձ ավելի լավը դարձրեց, չնայած այն բանին, որ ես արդեն առաջին ռակետն էի:

Ես երբեք չեմ հանդիպել թենիսիստի այդպիսի ուժով և արագությամբ: Նա բոլորից շատ է ազդել իմ կարիերայի վրա: Ռաֆան ստիպել է ինձ փոխել խաղաոճը: Մեզ միշտ դուր է եկել հանդիպել կորտից դուրս:

Ինչ կլիներ, եթե ես երբեք չհանդիպեի Ռաֆային: Հնարավոր է, ես հաղթեի «Ռոլան Գարոսը»: Առանց նրա ես այդքան երկար չէի մնա լավագույնների մեջ»,- վստահ է Ռոջերը:

Ֆեդերերը Մեծ սաղավարտի մրցաշարերի 17-ակի չեմպիոն է:

Ֆեդերերը Նադալի նկատմամբ տարել է 11 հաղթանակ, պարտվել է 23 անգամ:

Պատրաստեց Անի Գաբուզյանը