Barometer.am-ը գրում է.
Նորթրիջի Կալիֆորնիայի պետական համալսարանի հայ ուսանողները բոյկոտել են Թուրքիայի Հանրապետության հիմնադիր և առաջին նախագահ Մուստաֆա Քեմալ Աթաթուրքի մասին դասախոսությունը, հայտնում է "Ermeni Haber"-ը: Դասախոսությունը անցկացվելու էր նոյեմբերի 9-13-ը` "Աթաթուրքի շաբաթվան" նվիրված միջոցառումների շրջանակներում:
Այն պահին, երբ պրոֆ. Ջորջ Գաուրիչը սկսել է դասախոսությունը, ուսանողները ոտքի են կանգնել և մեջքով շրջվել: Այնուհետև ուսանողները սկսել են վանկարկել "Թուրքիան մեղավոր է ցեղասպանության համար", "Դուք հերքում եք ցեղասպանությունը": Արդյունքում ոստիկանության աշխատակիցների ուղեկցությամբ դասախոսը լքել է լսարանը. դասախոսությունը չի կայացել:
"Մեր ուղերձը հետևյալն էր` դադարեցրեք միլիոնավոր կյանքեր խլած ցեղասպանության ժխտումը: Այս մարդը եկել է այստեղ և պնդում է, թե ցեղասպանություն տեղի չի ունեցել, ինչը կատարյալ աբսուրդ է",- նշել է ուսանողներից մեկը` Էրիկ Բադիվյանը:
