Panorama.am-ը գրում է.
Ռուսաստանի քաղաքացիներին ներքին անձնագրով Հայաստան մուտքի թույլտվություն տալու վերաբերյալ հնարավոր որոշումը քաղաքացիների մի հատվածի մոտ մտահոգություններ է առաջացրել: Սոցիալական ցանցերում այս թեմայով քննարկումների մասնակիցները մտավախություն ունեն, թե «ով ասես կլցվի մեր երկիր, ու բեսպրեդել»:
Մասնավորապես քաղաքագետ Ստյոպա Սաֆարյանը նկատել էր. «Այսպես միայն այլահպատակները կարող են ձեռ առնել մեր երկրին: Ուրեմն՝ ՌԴ քաղաքացիները, հասկանանք՝ նրանց թվում և ադրբեջանցի, կարող են առանց լուրջ անձնագրի, մի թղթի կտորով գալ Հայաստան, վարչապետի ասած՝ տուրիզմի, ու սա՝ միայն միակողմանի»:
Հիշեցնենք՝ այդ որոշման մասին վարչապետ Կարեն Կարապետյանը խոսել էր ՌԴ Դաշնային ժողովի միջև համագործակցության միջխորհրդարանական հանձնաժողովի համանախագահ Նիկոլայ Ռիժկովի հետ հանդիպման ժամանակ: Ըստ կառավարության պաշտոնական հաղորդագրության, վարչապետ Կարեն Կարապետյանը հույս է հայտնել, որ օրերս կընդունվի որոշում, որով ՌԴ քաղաքացիներին կթույլատրվի Հայաստան այցելել ներքին անձնագրերով, ինչը կնպաստի նաև զբոսաշրջության խթանմանը:
Ռուսական տարբեր աղբյուրների համաձայն, երկրի բնակչության շատ քիչ մասը ունի արտասահմանյան անձնագիր:
Մասնավորապես, 2014-ին «Российская Газета»-ն հրապարակել է սոցիոլագիական հարցման տվյալներ, որոնց համաձայն, հարցվածների 28 տոկոսն է, որ ունեցել են արտասահմանյան անձնագրեր: Արտասահման մեկնելու համար անհրաժեշտ փաստաթուղթը, ըստ նույն տվյալների, չունեներկրի 45 շրջաններից հարցված 1603 քաղաքացիներից 72 տոկոսը:
Ըստ նույն աղբյուրի, արտասահմանյան անձնագիր ունեն հիմնականում ձեռնարկատերերը՝ 66 տոկոս, ղեկավարներն ու կառավարիչները՝ 49 տոկոս, մասնագետները՝ 48 տոկոս:
Ամբողջական հոդվածը կարող եք կարդալ այստեղ
