Անհավանական ոգու ուժ ցուցադրեցինք. Մխիթարյանը մեկնաբանել է Չեռնոգորիայի նկատմամբ հաղթանակը

168.am-ը գրում է.

Հայաստանի ազգային հավաքականի ավագ Հենրիխ Մխիթարյանը մեկնաբանել է ԱԱ­2018­ի ընտրական փուլում Չեռնոգորիայի ընտրանու դեմ խաղում 3:2 հաշվով տարած հաղթանակը: «Շատ հպարտ եմ և երջանիկ, որ այսօր հաղթեցինք։

Պարտվում էինք հաշվի մեջ, սակայն չհանձնվեցինք։ Այս խաղում անհավանական ոգու ուժ ցուցադրեցինք և շատ կարևոր երեք միավոր վաստակեցինք մեր նորանշանակ մարզչի գլխավորությամբ»,­  թվիթերյան իր էջում գրել է Մխիթարյանը։

Առաջին խաղակեսից հետո Հայաստանի հավաքականը պարտվում էր 0։2 հաշվով, սակայն արդյունքում խաղի վերջին վայրկյանին խփած գոլի շնորհիվ հաղթանակ կորզեց։