Բյուջե 2017-ի «անատոմիան»
Եթե ուսումնասիրենք հաջորդ տարվա պետական բյուջեն, ապա կփաստենք, որ ծախսերի կամ եկամուտների կառուցվածքում էական փոփոխություններ չկան, ինչը ենթադրում է իրենից, որ շեշտը պետք է դրվի առավել արդյունավետ բաշխման վրա:
Այս տարվա համեմատ հաջորդ տարի կառավարությունը ակնկալում է ունենալ մոտ 24 մլրդ դրամի եկամուտների աճ, իսկ ծախսերը կրճատել մոտ 17 միլիարդ դրամով:
Հաջորդ տարի ավելանալու են պաշտպանության և սոցիալական ապահովության հատկացումները՝ համապատասխանաբար 2.5 և 4 մլրդ դրամով:
Եվս մեկ դրական փաստ. բյուջեի հաջորդ տարվա դեֆիցիտը այս տարվա համեմատ նվազելու է: Այստեղ իր դերն ունի պետական ապարատի ծախսերի կրճատումը՝ 10 միլիարդ դրամով:
Պետական ծախսերի կրճատումը և մի շարք այլ փոփոխությունների հետևանքով առաջացած ֆինանսական միջոցները պետք է ուղղել առավել կարևոր ոլորտներին, որտեղ արդյունքը կլինի տեսանելի:
