Ամերիկյան Associated Press լրատվական գործակալության փոխանցմամբ՝ Դեմոկրատական կուսակցությունից ԱՄՆ նախագահի թեկնածու Հիլարի Քլինթոնը իր մրցակից, հանրապետական Դոնալդ Թրամթին կոչ է արել պատմել այն մասին, թե ինչն է նրան կապում ռուսական ղեկավարության ու նախագահ Վլադիմիր Պուտինի հետ։
Քլինթոնը համապատասխան հայտարարությունը տեղադրել է Twitter-ի իր միկրոբլոգում. «Ամերիկյան հետախուզությունը հաստատել է, որ Ռուսաստանի կառավարությունը կիբերհարձակումներ է իրականացնում ԱՄՆ-ի դեմ, որպեսզի ազդի մեր ընտրությունների ելքի վրա։
Ինչո՞ւ է Պուտինը ցանկանում, որպեսզի հաղթի Թրամփը։ Լավ բաների՞ համար, որոնց նա ասել է նրա (Պուտինի) մասին։ Նրա այն խոստումների՞ համար, որոնք առնչվում են կրեմլամետ քաղաքականություն իրականացնելուն։ Նրա գործարար գործարքների՞ համար։
Ընտրություններին մնացել է ընդամենը 8 օր, և Թրամփը պարտավոր է անհապաղ բացահայտել իր բոլոր կապերն ու հարաբերությունները Կրեմլի և նրա հետ կապ ունեցողների համար։
Ահա թե ինչ է պարունակում այս տարվա քվեաթերթիկը։ Դա միայն իմ ու Դոնալդ Թրամփի անունները չեն։ Դա մեր ապագան է, մեր անվտանգությունը, մեր արժեքները»։
